Timita / Asmekti s Mass Reḥmani Ɛbdelqader

 

 

Aṭas ur nessin ara anwa i d  Mass Reḥmani , wagi d yiwen wargaz seg tgeǧda timenza n umennuɣ ɣef taluft tamaziɣt s umata . Ilul-d deg taddart Tidelsin i d-yezgan deg tɣiwant n  Uweqqas agzedu n Bgayet  deg useggas n 1923  .

D  mmi-s umyaru ameqqran n teqbaylit wagi d “ Reḥmani Sliman “ .

Mass Ɛbdelqader , d yiwen n uqabayli i yerẓan asalu i tutlayt  s wuzig d yidles-nneɣ s umata , deg tallit –nni asmi abadu yesseɣli-d rrehbba  ɣef tmurt , tugdi tezdeɣ ilsawen , deg wakud-nni asmi imezdaɣ n tudrin merra ttagaden ad meslayen s teqbaylit , imi deg tallit-nni aṭas n wid i yekecmen ɣur  leḥbas ur nɣin   , acku tamsulta tufa ɣurṣen  tirawin urant s yisekkilen n Tifinaɣ.

D isekkilen i d-ihegga Ɛbdelqader akked kra n yimdukkal-is iwakken ad sekkren iɣerfan n Tmazɣa seg yiḍes-nsen . Agraw n Yimaziɣen yerra-d tafat, d usirem akked lḥerma i tmaziɣt  , segmi id yexlaq deg  useggas   n 1966 di tmurt n Fransa  , yella ɣef uqqaru ins Mass Ɛbdelqaber  lan daɣn kra n yimeɣnasen  yecban : “ Besɛud Muḥend Aɛrab , Muḥend Ameqqran Xlifati , Smaɛil Meǧber … etg

Mass Ɛbdelqader , ulac ayen ur yexdim i tutlayt-is imi d netta i d-yeslulen agraw n Yimaziɣen  akked tesɣunt tamaziɣt tamezwarut  s yisekkilen n Tifinaɣ , arnu daɣn d amyaru anda yura  kraḍ n yidlisen s tefansist .

Ɛbdelqader Reḥmani  yemmut ass n sin di Ctembeṛ 2015 , macca yemmut d aɣrib deg tmura n madden , ɣas akken yefna mazal ur yesɛi ara azref iwakken ad-skcmen  iɣsan –is ar tmurt-is .

 

 

 

Aucun évènement dans le calendrier
Dim Lun Mar Mer Jeu Ven Sam
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30