At Xellili / Asfugel n tɛacurt deg taddart n At Xir

 

 

 

Ilmend n wansay n  tɛacurt , id-yellan ass n Amhad 20 di  Ctembeṛ 2018 , deqs n  lewziɛat “ Timecreṭ”d leqdicat yemgaraden id-yettewaheggan i  dema n usfugel n tmɣra-yagi,  id-yettilin  di temnaḍin yemxalafen n tmurt leqbayel ladɣa ɣer ymesdurar .

Imezdaɣ n taddart n At Xir , taɣiwant n At Xellili asun n Meqlaɛ agezdu n Tizi-Wezzu , sudsen-d yiwen n leqdic s wazal-is , id-yellan ass n Aram  18 di Ctambeṛ  s tallelt n yiɛeggalen n tesqamut n taddart d tdukliwin iqqedcen ilmend agi .

Taɛacurt d yiwen wansay ger wansayen  isfugulen medden deg   tmurt n leqbayel s wuzig d tmurt n  lezzayer s umata , yi-s i-ẓeṭṭen tagmat d teddukli  ger yemdanen.

Ɣas zrin acḥal n yiseggasen , imzdaɣ n taddart-agi mazal ṭfen deg warmuden d wansayen id-warten ɣef leǧdud-nsen imezwura. Anda id teggen yal seggas timesbaniyin icuban :  Yennayer , Lmulud, Timecreṭ   …etg     akken ad-ẓẓun cfawat  deg walaɣen n  tsutiwin id-iteddun , imi ayen id-ǧǧan imezwura d agerruj ur netfaka akken yeqqar yenzi : “dayen id-ǧǧan imezwura ara d affen ingura” .

Taṣebḥit n wass n Amhad , taddart n At Xir tɛemr-d s inbgawen n lḥarma id-yussan seg ukuẓ(4) n  tɣemmar n ugezdu n Tizi-Wezzu  , yella-d leqdic damarkanti, anda id-tella  yiwet  temzikent ɣef teɣzi n wass ,  yak daɣen d  ticqufin umezgun ,    madagella di ttnasfa n wass, xedmen lwaɛda anda ččan yak wid id-yarzan ama d inbgawen neɣ d imzdaɣ n taddart.

Ma s wuddem n temdit   imsuddes heggan-d   ahil n uẓawan  anda aracnun inaẓuren yemxalfen garasen : Remḍan Meccac,  Rabaḥ Ufarḥat ,Tanina , Ɛacur …etg .

 Tella-d daɣen  d tarkent n uncreḥ id-heggan ama d : Hucin Warab , Massinisa n lewhama   … etg

Ayen ixulfen deg leqdic agi akken macci yiwen wass kan araydum wahil , mačča ad-ikmel ḥalama d ass n Sed 22 di Ctambeṛ .          

Ihi ansay –agi yettili-d yal  aseggas ahiǧri  deg wayyur n Muḥarem , mi yedda s wazal  n mraw (10) wussan , d ass yeɛzizen ɣur imselmen , imi d ass anda id-yessemnaɛ ‘ Rebbi sebḥnu  ‘ sidna Mussa ger ifassen n Farɛun amsbaṭelli . Ihi seg-mmi teḍra tedyant –agi yeqqim-d deg umzruy n yimselmen, tasuta tettaǧati-d i tiyaḍ.

Yemgarad usfugel n tɛacurt ger temnadṭ ɣer tayeḍ, tugget deg-s ttuẓumen ussan  n Tẓa , mraw , mraw yiwen ( 9, 10, 11 ) di Muḥarem , wid yesftuyen awal  n Rebbi qqaren-d akken ma tuẓam-d ussan –agi i kraḍ akiɣfer Weḥnin  tucḍiwin yak texḍem-ḍ deg seggas .

Ma d wiyaḍ d tagnit  iwakken ad ɛecren larẓaq –nsen ama d  idrimen , tazzart , naɛma naɣ lefṭṭa …etg  iwakken ad-yennareni wayen kesben,  akken yenna yenzi :” amɣar yessawal , ilmẓi yettaɣ awal , amarkanti yettnawal “.       

Taɛcurt –agi n taddart n At Xir, d tagnit yesɛedlen ger umarkanti d ugellil, tesɛedliten am iḍudan n ufus,mačča daɣen  d ass yessemlallen tasa d way turew , d usekcem n lfarḥ ɣer wulawen d ucemumaḥ n wuddemawen  n yemdanen s umata.

 

 

 

Aucun évènement dans le calendrier
Dim Lun Mar Mer Jeu Ven Sam
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30