ASMEKTI / Amuli wis 48 ɣef tmenɣiwt n ugrawliw Krim Belqasem

48 n isseggasen i yezrin ɣef tmenɣiwt n yiwen wegrawliw s wazal-is. Wagi d Izem idurar (lion du Djbel) akken isyessawal waɛdaw arumi, wagi d Krim Belqasem.

Illul Krim  belqasem  ass n meraw semmus di Duǧembeṛ  1922 deg taddart n Tiẓra Ɛisa  di tɣiwant n At yaḥiya mussa asun n Draɛ Lmizan deg ugezdu n Tizi Wezzu .

Yella yeqqar deg tmanaɣt, yeṣaweḍ ɣer taggara n uswir amenzu ( Certificat d’étude), deg wakkud-nni.

Sakin yuɣal-d ɣer taddart-is yebda lxedma deg tɣiwant . Seg-mmi yella d ameẓyan tekccem-it tikti umennuɣ aɣelnaw. Deg taggara n useggas n 1943,  yekcem s akabar n (PPA) anda id-yelmmed aṭas n lecɣal deg uḥric n tsartit.

Deg useggas n 1947,  ewwint yeɛdawen maca  u yesmaḥ ara deg tmurt –is  ayen i t-yeǧǧan ad-yexdem kra n tqqaracin i yimdebbren n fransa .

Deg useggas 1950 yuɣal d imḍebber ɣef ukabar n (PPA)  anda lan deg lawan-nni deg 22  yidsen am : “ Uɛmran  Ɛmar , Murad Diduc , Buḍyaf , Lɛarbi ben Mhiddi  … egt. Tarbaɛt n 22 akken isneqqaren, d nutni i yemlallen ass n  Tẓa di yunyu 1954, heggan-d i webbaɛzaq n tegrawla .

Deg-mmi tebbaɛzaq tegrawla , yuɣal d aqerru n temnaḍt n leqbayel ( Tawilayt tis Kraḍ, lawan-nni ) akken daɣen i yettekki deg ugraw n ṣummam igezdan akken iwata tagrawla n tmurt n lezzayer , aken daɣen iyeṭṭef amḍiq wis sin d anɣlaf n temḥadit  deg udabu  n ( GPRA) .

Ma deg useggas n 1965, yugi ad yeqbel asqamu n (FLN) , imi yella mgal array n Ben Bella . Asmmi id-yuli  Bumdyan ɣer tigduda ‘ leḥkem’ , yella-d krim mgal iɣil yettwasxedmen , d ubrid i win widen yewwḍen ɣer tqacuct . Sakin yunag ɣer tmurt n lalman .

Yemmut ass n 18 di Tubeṛ 1970 , yettwanɣa deg texxamt n usensu ( hôtel ) di ‘Franckfurt  ‘ deg tmurt n lalman , maca lemut –is tella d tin i  yettwaḍbren  imi   ituffant  yettwaxnaq  .

 

 

Awal n krim Belkasem s Tmaziɣt de Lzzayer Tmanaɣt deg seggas n 1962 (Iniẓri):

 

Aucun évènement dans le calendrier
Dim Lun Mar Mer Jeu Ven Sam
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30