Asmkti/ Hend Sadi, I Kamal Ircen.

D ass n 27 di Ibrir 2001 i-d-yusan d lǧemaa. Am iḍelli. Am nekwni, iḍelli, tetedduḍ γef tlelli. Maca kečč tuγeḍ abrid n-yizmawen, winna n Ḥend u Sɛid Abdun i ineddṛen agad enni i-d-yusan ad ferǧen m’ara s gezmen aqeṛṛu.

Seţţa iqerra i-iγlin ass enni n 14 Magu 1895, zdat tgemmi iǧadaṛmiyen Iɛeẓẓugen. Ass enni, diγen, d-tafsut.

Di 2001, g-waṭas yidwen, d ilmeẓyen, teddam ad-tmaggrem tafsut, am zik enni. Γas akken γerneγ, tafsut ur tezzuγur ara, ulac lweqt i ţ yifen, yess i treq tmurt m’arra d tuγal γer tudert.

Maca assegwas enni, adabu yugi. D-tameţţant i zerâan iǧardamiyen garawen. Gezmen-kwen yiwen, sin, tlata, meyya, ugar, amzun d-tamegra n-yilmeẓyen.
18 iseggwasen aya.

Imiren i d-iγli ṭṭlam γef tefsut, imir i tuγal d-taberkant. Am igerfiwen i d-iwwin tillas deg igenni, am ccama taberkant deg-webrid n-yizmawen.

Kečč, teγliḍ deg tezniqt Iɛeẓẓugen, turiḍ-aγ-d izen. Gezmen-k, ur k fkin ara lweqt ad-tzeγzfeḍ awal. Maca deffir-ek, ur d-iggwri ssem, ur d-iggwri ddγel. Ayen d-teǧǧid, udem is d ajeǧǧig.

Ansi i k-d-kkan ifeddaden s-i-turiḍ awal enni, yiwen kan, winna yifen akw wiyiḍ di yal tutlayt. Testenyaḍ-t s ifassen ik s, s idamen ik, γef uγrab.

D-tunṭict iwumi ur ṣṣawaḍen ara iǧadaṛmiyen, d aawin i lebda ur izmir a γ ikkess yal « Général ».

Γef uγṛab n tezniqt Iɛeẓẓugen
S isekkilen idamen
Turiḍ isem is
Tilelli

Ass n 27 Ibrir 2019
Ḥend Sadi

Aucun évènement dans le calendrier
Dim Lun Mar Mer Jeu Ven Sam
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31