Igersafen: Tazeǧǧigt id yufraren ger issafen

 

Taddart n Igersafen tezga-d deg umalu n ukfadu ; di tɣiwant n at yeǧǧar ;tebɛed azal n 70 ikilumitṛen ɣaf temdint n Tizi Wezzu .Tesɛa ufar n 4 000 imezdeɣ. Zint-as-d sdis (6) n tudrin ubḥal ameqyas :

Seg usamar anẓul :ad d naf taddart n At ɛica aked yeɣṛayen.

Seg umalu :ad d naf taddart n Tifrit At Umalek  aked Buɛwan.

Seg  wenẓul: ad d naf taddart n Yiɣil n Bukyasa.

Seg ugafa asamar : ad d naf taddart n Mḥagga .

Isem n taddart “Igersafen” , yusad deg mekkan tettef ger sin issafen (asif At Hendis aked asif n abd l3ali).

Araz n temzizelt n Rabaḥ Ɛisat

Tewwi amkan amezwaru n temzizelt n rabaḥ ɛisat n tɣiwant akked snat n tussar zeddigen deg useggas n 2014  tewid agemmuḍ n 97/100 deffir-s taddart n Tizi umalu (at buyusef) deg umkan wis sin s ugemmuḍ 87/100 …

Taddart tecbeḥ s warraw-is ,s tdukli n yimezdeɣ-is, yal wa s wayen I wumi yezmer ,yal wa s wayen yessen ,wa s yiɣ-is wa s tekti-s ,wa yefka-d rray-is .

Iɛeggalen n tesqamutt iqedcen nbla asgunfu nebla iḍes ;sbedden ccan n taddart.  ɣer yidis n yirgazen ,ad naf daɣen tulawin iqedcen ɣer tama n wargaz, ttemyeggaren afud akken adefkent tebɣest i yergazen yak d yilmeẓyen n taddart sumata ,si tqernit n ufella armi d taqernit n wadda ,aladɣa ilmeẓyen warǧin semeɛdzen I teɣri d ggaren iɛeggalen n tesqamutt n taddart .Ɣur-sen tabɣest am uɣilas neɣ tayuga ikarzen  ,yal ass wejden ad d-fken iɣallen-nsen  d wayen akk iwumi zemren i taddart ; warǧin qqimen ur ḥediren ara i lejmaɛ n lɛeqqal n taddart .Ula d igerdan imcṭaḥ ggaren iman-nsen aken ad xedmen ula d-nutni .

Ɣer waya akk ,ad naf tiddukla tadelsant ALMA N TADDART; tqeddec deg weḥric n yidles s umata ,ttin id-yettheggin timliliyin di taddart ɣef teɣzi usseggas ,tella daɣen tiddukla ALMA VERT,  iqeddcen ɣef twennaḍt; d ugama , yak d uḥric n waddal,ad d naf ilmeẓiyen tt-heggin-d timzizelt n ddabex n uḍar  yal anebdu,d timliliyin n tegmatt akked tdukli ger yilmeẓiyen n taddart .

Leqdic akken ma yella yettili-d s ufus n yimezdaɣ merra ;irgazen ,tilawin; s icennayen-is, s win yeɣran d win ur neɣri ;iɛeggalen n tesqamutt n taddart d nutni id ajgu n waɛrur imezdaɣ-is ,syissen I tbedd d nutni I yettjerriden isuḍaf yesdukkulen akk imezdaɣ n taddart ,akken  merra ad  idiren deg yiwen uswir ,s ddaw n yiwen uzref ,am wid  yesɛan ,am wid ur nesɛi ,d nutni I gessehbibiren ɣef tuddesa  n taddart akked lḥerma-s akked yimezdaɣ-is ;d nutni I gefarrun timsal ger imezdaɣ.

Akka idufrar taddart agi deg temzizelt n tezdeg.

 

 

 

 

 

 

 

 

 

 

 

 

Aucun évènement dans le calendrier
Dim Lun Mar Mer Jeu Ven Sam
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30